عبدالله برای شرکت در نشست سازمان شانگهای به تاجیکستان رفت

  • تاریخ انتشار : 1397/07/19 ساعت 09:56
n00172367-b

داکتر عبدالله؛ رئیس اجرایی حکومت وحدت ملی افغانستان، برای شرکت در هفدهمین نشست سران کشورهای سازمان شانگهای عازم تاجیکستان شد.

در این سفر دو روزه، داکتر عبدالله به نمایندگی از افغانستان در این نشست که برای ارزیابی وضعیت منطقه و سیاست‌های این سازمان در دوشنبه پایتخت تاجیکستان برگزار می‌شود، سخنرانی خواهد کرد.

در این نشست روی مسایل منطقوی، مبارزه با مواد مخدر، ازبین بردن لانه‌های تروریزم در پاکستان و همچنان قطع حمایت از تروریستان و برخی مسایل دیگر بحث و تبادل نظر می شود

پروسه صلح، و تطبیق پروژه‌های بزرگ اقتصادی؛ چون تاپی ، مبارزه با تروریزم محور سخنرانی عبدالله را تشکیل می دهد

قرار است، در حاشیه این نشست داکتر عبدالله با رئیس جمهور و صدراعظم تاجیکستان و مقام‌های ارشد روسیه، چین، قزاقستان، قرقیزستان، بلاروس و هند نیز ملاقات نماید.

هفدهمین نشست سالانۀ سران کشورهای سازمان شانگهای، برای ارزیابی وضعیت منطقه و سیاست‌های این سازمان در دوشنبه پایتخت تاجیکستان برگزار می‌شود.